Tom Jones er nafn sem flest allir þekkja en hann er maðurinn á bakvið lög á borð við Sex Bomb, It’s Not Unusual og She’s A Lady. Hann hélt seinast tónleika á Íslandi í Laugardalshöllinni árið 2015. Jones er orðinn 80 ára gamall en er alls ekki hættur að syngja á sviðinu og góla í rúminu.
Jones segist stundum njóta aðstoðar lyfsins Viagra þegar hann fer á ástarfundi og hann skammast sín ekkert fyrir það.
„Það er engin skömm í því þegar þú ert áttræður. Þú gerir það sem þú þarft að gera, smá hjálp hér og þar er allt í lagi,“ sagði velski söngvarinn í samtali við Marc Maron.
Tom Jones hefur líklegast haft meiri áhrif á Íslendinga en honum hafði nokkurn tímann dottið í hug. Íslenskar ábreiður á lögum hans eru geysivinsælar og þar má nefna lögin „Hún er dama“ með Steinda Jr. og „Sexý Bomba“ með Magga Mix. Margir Íslendingar kunna hvert orð í þessum lögum án þess að hafa heyrt Tom Jones syngja þau upprunalega.
Í dag starfar hann sem einn dómara The Voice í Bretlandi og fyrir Covid-19 faraldurinn var hann enn að stíga á svið þrátt fyrir háan aldur.