Gweneth er dómína að atvinnu (e. dominatrix) og sefur aðeins hjá giftum karlmönnum í frítíma sínum.
Í viðtali við Fabulous Digital segir hún frá því að hún hafi brotið sóttvarnarreglur í desember síðastliðnum þegar hún hélt áfram að hitta elskhuga sína og viðskiptavini, þó það væri bannað með lögum.
Gweneth sefur aðeins hjá giftum karlmönnum og var að hitta þrjá þeirra í desember. Hún hitti einnig allt að þrjá viðskiptavini á hverjum degi.
„Ég vissi að þetta væri ólöglegt, þess vegna hitti ég aðeins fastakúnna og tók ekki á móti nýjum viðskiptavinum. Venjulega hitti ég um fimmtán nýja viðskiptavini á mánuði,“ segir Gweneth, sem er 47 ára og skiptir tíma sínum á milli London og Kaliforníu.
„En fólk þarf að fá sitt „kink“,“ segir Gweneth.
Meðvituð um að nágrannar hennar myndu vera grunsamir ef það væru sífellt menn að koma og fara frá henni, þá byrjaði hún að lauma þeim inn. Hún segist þó hafa reynt að fylgja Covid-reglum eins vel og hún gat.
„Allir notuðu sótthreinsi þegar þeir komu, og þrælar mega nota grímu og biðja mig um að nota grímu. Svo er dómína venjulega alltaf í gúmmíhönskum þannig það er eitthvað,“ segir hún.
Gweneth stundar kynlíf með elskhugum sínum, en ekki með dómínu-viðskiptavinum sínum sem borga henni tugi þúsunda fyrir að fá að upplifa fantasíur sínar.
Síðan árið 2008 hefur Gweneth aðeins verið með giftum karlmönnum. Eftir að eiginmaður hennar dó skráði hún sig á stefnumótasíðuna Illicit Encounters, sem er fyrir gifta einstaklinga sem leitast eftir að halda framhjá.
Á þeim tíma var Gweneth í smá fjárhagserfiðleikum og var þegar dómína, bara ekki að atvinnu. Hún ákvað að vera atvinnudómína og þá var ekki aftur snúið.
„Ég hef alltaf elskað BDSM. Ég var með drottnara þegar ég var unglingur, en ég áttaði mig fljótlega á því að ég kunni betur við að vera við stjórnvölinn.“
Gweneth ferðast á milli London og Kaliforníu, en er nú stödd í sólinni í Kaliforníu.
„Ég er með elskhuga hvorum megin við hafið. En á einhverjum tímapunkti þarf ég að fara aftur til London. Viðskiptavinir mínir þurfa á mér að halda,“ segir hún.
Gweneth fær reglulega gjafir frá giftum elskhugum sínum. Skartgripi, loðfeldi og aðrar dýrar gjafir.
„Ég er öðruvísi kona. Ég er alþjóðleg viðskiptakona, margir af elskhugum mínum eiga eiginkonur sem eru heimavinnandi húsmæður.“
