Bandaríska sjónvarpsstjarnan Kailyn Lowry er stödd á Íslandi. Hún sló í gegn í þáttum eins og 16 and Pregnant, Teen Mom 2 og Marriage Boot Camp.
Íslandsheimsóknin hefur heldur betur verið viðburðarík. Hún greinir frá því í Story á Instagram þar sem hún er með yfir 3,8 milljón fylgjendur.
„Ævintýri dagsins á Íslandi. Keyrðum útaf og vorum föst í klukkutíma. Þrettán manns hjálpuðu okkur að losa bílinn. Fólkið hérna á þessu landi er miklu vingjarnlegra en fólk í Bandaríkjunum,“ segir hún.
„Og síðan komum við hingað og sáum hesta og borðuðum lamb.“
Sjáðu fleiri myndir hér að neðan.