Jennifer Lopez var sökuð um að stela stílnum af Beyoncé fyrir tónlistaratriði sitt á Americans Music Awards á sunnudagskvöldið.

Klæðnaður J.Lo minnir óneitanlega á klæðnað Beyoncé í tónlistaratriði hennar á Grammy-verðlaunahátíðinni árið 2014. Mörgum þótti hár og atriðið í heild sinni, þá sérstaklega dansinn, líkjast atriði Beyoncé frá 2014. J.Lo notaði, líkt og Beyoncé, stól í sínu atriði.

Það getur að sjálfsögðu verið hreinlega um tilviljun að ræða. Samkvæmt DailyMail var atriði J.Lo innblásið af söngleiknum Chicago.

Þetta er ekki í fyrsta skipti sem J.Lo virðist fá innblástur frá Beyoncé, og öfugt. The Sun greinir frá.

Árið 2005 klæddist Beyoncé rauðum pallíettukjól á tónleikum, Jennifer Lopez klæddist svipuðum kjól sjö árum síðar.

Hér var Jennifer Lopez á undan. J.Lo klæddist pilsinu árið 1999 á Billboard Music Awards. Beyoncé klæddist svipuðu pilsi á tónleikum í Flórída árið 2004.

Enn og aftur var J.Lo hér innblásturinn og er þetta ekki aðeins svipaður kjóll, heldur nákvæmlega sami kjóllinn frá franska hönnuðinum Thierry Mugler.

J.Lo klæddist honum á Cannes kvikmyndahátíðina árið 1998. Beyoncé var í honum í tónlistarmyndbandi tíu árum seinna.

Þær stöllurnar hafa greinilega svipaðan smekk og eiga sama loðfeldinn. J.Lo sást í honum árið 2003 og Beyoncé þremur árum seinna.