Tónlistarhópurinn Vinir og vandamenn óska Þórólfi Guðnasyni sóttvarnarlæni innilega til hamingju með afmælið. Hópurinn hefur samið fyrir hann lag og birta stórskemmtilegt tónlistarmyndband við lagið á Facebook. Þórólfur er 67 ára í dag.
„Við viljum að þú vitir og finnir að við, og margir margir margir fleiri Íslendingar, standa heils hugar á bak við þig og þín afburða góðu og fórnfúsu störf í þágu lands og þjóðar. Við getum ekki ímyndað okkur hvers konar álag það er að þurfa að taka allar þær ákvarðanir sem þú hefur á herðunum, þurfa að taka tillit til allra þeirra sjónarmiða og hagsmunaaðila sem störf þín snerta, og að halda sönsum í gegnum það allt. En hitt vitum við og sjáum, að þú höndlar það eins og allt annað, með algjörum glæsibrag. Þú ert snillingur og okkur þykir mjög vænt um þig.
Í tilefni dagsins hlóðum við í lítið lag fyrir þig, fengum góða gesti til að leggja málstaðnum lið og vonum að þú njótir og hafir gaman af.
Þínir Vinir og vandamenn,“
skrifar Leifur Geir Hafsteinsson á Facebook með myndbandinu.
Sjáðu myndbandið hér að neðan.