Guðný María Arnþórsdóttir, betur þekkt sem Páskastjarnan, gaf í gærkvöldi út sitt fyrsta lag á nýju ári. Lagið birtist ásamt tónlistarmyndbandi á YouTube, en það fjallar um týnd náttföt og ber nafnið Pyjamas.
Söngkonan hefur undanfarin ár vakið mikla athygli vegna tónlistar og tónlistarmyndbanda sinna. Hún skaust upp á íslenskan stjörnuhimin með laginu Okkar okkar páska. Guðný var 59 ára þegar hún ákvað að láta draum sinn rætast með því að semja lög og gefa þau út.
Lagatextinn virðist fjalla um týnd náttföt og mikla endurfundi. Guðný segist hafa séð um lag, texta, undirspil, útsendingu og haft umsjón með myndbandinu sem má sjá hér að neðan.