Það var mikið gert grín að Öldu Karen Hjaltalín, fyrirlesara og ráðgjafa, í Áramótaskaupinu 2019. Í Skaupinu var einnig gert grín að Samherja, WOW air, Gísla Einarssyni, leikhópnum Lottu, Jókernum og Jóni Jónssyni.
Alda Karen hafði örlítið tjáð sig um Skaupið á Instagram en er nú loksins búin að horfa á það. Hún segir frá því í nýrri færslu á Instagram hvernig hún setti sér markmið fyrir fjórum árum að komast í Skaupið og nú hafi draumurinn ræst.
Sjá einnig: Alda Karen bregst við Skaupinu
„Á Gamlarskvöld lék ung leikkona mig í Áramótaskaupinu. Ég gat ekki horft á þáttinn fyrr en í dag en ég var búin að fá fjölda skilaboða/myndbönd frá vinum og fjölskyldu,“ segir Alda Karen.
„Það vita það ekki margir en það hefur verið markmið mitt síðan 2016 að komast í þáttinn. Það er svo súrrealískt að horfa á einhvern leika þig í sjónvarpinu. ÞIG. Geturðu ímyndað þér það!? Ég er enn að átta mig á því. Þau grilluðu mig vel og ég hló svo mikið allan tímann. Ég elskaði það. Hún var líka svo lík mér!“
Alda segist vera mjög þakklát og heiðruð fyrir að hafa komið fram í Skaupinu.
„Fólk sem þekkir mig vel veit að ég lifi fyrir húmor og hlátur (sérstaklega þar sem ég er brandarinn) þannig ég gæti ekki ímyndað mér betri byrjun á árinu en að vera hluti af Áramótaskaupinu,“ segir hún.
Alda þakkar að lokum höfundum, leikstjóra og tökuliði Skaupsins fyrir að láta fjögurra ára draum hennar loksins rætast.
https://www.instagram.com/p/B69HLWtAJwe/
