Dorrit Moussaieff, athafnakona og fyrrverandi forsetafrú Íslands, kom fylgjendum sínum á samfélagsmiðlum í opna skjöldu. Þetta var í kjölfar þess að hún birti mynd af sjálfri sér ásamt Ivönku Trump, dóttur hins umdeilda forseta Bandaríkjanna, en báðar voru staddar á fundi World Economic Forum í Davos í Sviss.
Ljóst er á færslu Dorritar að hún er mikill stuðningsmaður Trumps-forseta og dóttur hans. Dorrit segir þar að kominn sé tími á konu í forsetastjórn Bandaríkjanna, en aðeins að því loknu þegar Trump hefur náð kjöri á ný.
„Fjögur ár í viðbót,“ skrifar Dorrit og bætir svo við: „…síðan þurfa Bandaríkin á konu að halda.“
Í athugasemdum við færslu athafnakonunnar standa margir ekki á skoðunum sínum. Tónlistarmaðurinn Logi Pedro stóðst jafnframt ekki mátið að tjá sig við færsluna, en þar er hann maður fárra orða og skilur eftir tjákn sem bendir til þess að hann sé vonsvikinn og hissa.
Fleiri ummælendur taka í sama streng.
„Er þetta eitthvað grín??“ skrifar einn og heldur áfram. „Ég hélt að eiginmaður þinn einblíndi á loftlagsmál og umhverfið. Segðu mér að þessi færsla hafi verið mistök á fylleríinu, svona augnablik þar sem heilinn tók sér frí. Ég vona að þú dragir þessi ummæli til baka á morgun og gefir peninga til góðgerðarmála sem úrbót fyrir þessa viðbjóðslegu færslu.“
Þá skrifa fleiri:
„Trump má ekki halda áfram, þetta snýst allt um peninga…“
„Vá, mikil vonbrigði!“
„Dorrit… neiiii“
Omg er Dorrit trumpari? pic.twitter.com/bLF5Euys9h
— Fríða (@Fravikid) January 21, 2020