Líkt og DV greindi frá í morgun þá deildi leikarinn Pálmi Gestsson mynd af sér og öðrum meðlimum Spaugstofunnar með yfirskriftinni „klíkufundur“.

Myndin hefur vakið mikla athygli en færsla Pálma fengið 700 læk og frétt DV um málið fengið yfir 3000 læk.

DV heyrði í Pálma Gestssyni sem gat lítið tjáð sig um fundinn. Hann sagði að það væri aldrei að vita með endurkomu Spaugstofunnar og að erfitt væri að tjá sig um málið að svo stöddu.

„Maður veit aldrei.“

„Það er erfitt að tjá sig um málið að svo stöddu.“

Sjónvarpsþátturinn Spaugstofan var í fjöldamörg ár á sjónvarpsskjáum landsmanna og er án efa einn ástsælasti sjónvarpsþáttur í sögu þjóðarinnar.

Á umræddri mynd má sjá þá Pálma Gestsson, Örn Árnason, Karl Ágúst Úlfsson, Sigurð Sigurjónsson og seinast en ekki síst Randver Þorláksson, sem rekinn var úr þáttunum árið 2007.

DV spurði lesendur sína hvort að þeir myndu vilja sjá Spaugstofuna á skjánum aftur. Svarið er afgerandi, en 90% svarenda vilja það, þegar að þessi frétt er skrifuð.