Sjónvarpsþátturinn Spaugstofan var í fjöldamörg ár á sjónvarpsskjáum landsmanna og er án efa einn ástsælasti sjónvarpsþáttur í sögu þjóðarinnar.
Pálmi Gestsson, leikari deildi í morgun mynd af meðlimum þáttarins vinsæla, með yfirskriftinni „klíkufundur“ á Facebook-síðu sinni. Myndin hefur á örskömmum tíma vakið mikla lukku, en á hálftíma hafa hátt í 150 manns líkað hana.
Á myndinni má sjá þá Pálma Gestsson, Örn Árnason, Karl Ágúst Úlfsson, Sigurð Sigurjónsson og seinast en ekki síst Randver Þorláksson, sem rekinn var úr þáttunum árið 2007.
Mynd þessi fær fólk óneitanlega til að spyrja sig hvort þættirnir snúi á ný. Spaugstofan gerði grín og gys að málefnum líðandi stundar, við mikið lof landsmanna.