Halldór Halldórsson dramatúrgur og rappari, betur þekktur sem Dóri DNA, upplýsir á Twitter hvað Anna Svava Knútsdóttir sagði um Reykjavíkurdætur í upphitun hennar fyrir nýtt uppistand Björns Braga Arnarssonar. Af lýsingu Dóra að dæma þá var grín hennar ekki svo meiðandi.
„Anna Svava sagði brandara um alla stærstu rappara Íslands á föstudaginn. Það má alveg fylgja þessum fréttum. Einnig má taka fram að hún var að segja brandara, þetta var ekki 20 mínútna dagskrá þar sem hún sagði skoðanir sínar á hinu og þessu,“ segir Dóri á Twitter.
Eiríkur Örn Norðdahl rithöfundur spyr Dóra svo í athugasemd hvað Anna Svava sagði nákvæmlega um Reykjavíkurdætur. Dóri svarar: „Hún sagði að það væru engir góðir kvenkynsrapparar á íslandi og að tónlist RVK-dætra væri eins og þegar börn kæmu heim með teikningar af leikskóla og maður verður að segja EN FLOTT HJÁ ÞÉR. Hún sagðist líka vera vaxin eins og Hr. Hnetusmjör.“
Hún sagði að það væru engir góðir kvenkynsrapparar á íslandi og að tónlist RVK-dætra væri eins og þegar börn kæmu heim með teikningar af leikskóla og maður verður að segja EN FLOTT HJÁ ÞÉR. Hún sagðist líka vera vaxin eins og Hr. Hnetusmjör .
— Halldór Halldórsson (@DNADORI) September 18, 2019