Inga Hrefna Sveinbjarnardóttir, aðstoðarkona Kristjáns Þórs Júlíussonar, sjávarútvegs- og landbúnaðaráðherra, gekk að eiga sinn heittelskaða, Þorgeir Arnar Jónsson, á Seyðisfirði í gærkvöldi, en Inga á ættir sínar að rekja í fjörðinn.
Gleðin var alls ráðandi og voru gestir himinlifandi eins og sést á myndum á Instagram frá herlegheitunum. Myllumerkið #220Seyðisfjörður var notað til að halda utan um myndir gesta, en meðal þeirra voru Áslaug Arna Sigurbjörnsdóttir, þingkona Sjálfstæðisflokksins, Svanhildur Hólm, aðstoðarkona fjármálaráðherra og Þórdís Kolbrún Reykfjörð Gylfadóttir, ráðherra.
Inga hefur verið mikil driffjöður í starfi Sjálfstæðisflokksins um árabil. Hún var einnig aðstoðarkona Kristjáns Þórs þegar hann var heilbrigðisráðherra, var framkvæmdastjóri þingflokks Sjálfstæðisflokksins og framkvæmdastjóri Varðar, fulltrúaráðs flokksins í Reykjavík.
Fókus óskar Ingu og Þorgeiri innilega til hamingju!
