Katrín Tanja Davíðsdóttir hefur í tvígang unnið titilinn Hraustasta kona heims, árin 2015 og 2016, og var í 3. sæti á heimsleikunum í crossfit sem fram fóru í Wisconsin í Bandaríkjunum í ágúst í fyrra. Árið 2016 hlaut hún 34 milljónir í verðlaun fyrir frammistöðu sína, auk skammbyssu. Katrín Tanja sem er 26 ára er með lögheimili á Íslandi, en búsett í Bandaríkjunum.
Hún á glæsilega fasteign á sjöttu hæð á Lindargötu 39, í Skuggahverfinu svokallaða, eignina setti hún á sölu í september í fyrra og er ásett verð 69,5 milljónir króna. Um er að ræða bjarta og glæsilega þriggja herbergja íbúð.
Katrín Tanja er á meðal vinsælustu Íslendinganna á Instagram, en þegar þetta er skrifað þá er hún með 1,5 milljónir fylgjenda, en Katrín Tanja birtir reglulega færslur frá æfingum sínum, hvetjandi gullkorn og fleira.
Síðasta sumar lék Katrín Tanja stórt hlutverk í nýrri herferð bandaríska íþróttavöruframleiðandans Reebok. Meðal þeirra kvenna sem tóku þátt í herferðinni eru Ariana Grande, Gigi Hadid og Gal Gadot. Í auglýsingunni ræðir Katrín Tanja um það jafnrétti sem ríkir innan crossfit-íþróttarinnar. Katrín Tanja bendir á þá staðreynd að í íþróttinni, sem margir Íslendingar stunda, ríki algjört jafnrétti. Hún segir konur gera sömu æfingar og karlar og fá sama verðlaunafé. „Ég er stolt af því að vera kona með vöðva,“ segir Katrín Tanja, „Við getum gert allt sem þeir geta.“
Heimili:
Lindargata 39,
89,9 fm
Fasteignamat: 63.300.000 kr.
Katrín Tanja Davíðsdóttir:
Tekjublað DV 2018: 4.023.000 kr.
