Hollendingurinn Duncan Laurence sigraði í Eurovision-keppninni nú fyrir stundu, en stigagjöfin var gríðarlega spennandi. Í öðru sæti var Mahmood frá Ítalíu og í því þriðja var Sergey Lazarev frá Rússlandi.
Norður-Makedónía var sigurstranglegasta landið eftir að dómarastigin voru afhjúpuð en fékk örfá stig frá almenningi og vann því ekki.
Stig áhorfenda til Svíans John Lundvik voru lesin upp síðust og átti hann möguleika á að reka Hollendinginn út toppsætinu, en allt kom fyrir ekki.
Hatarar fengu gríðarlega góða kosningu frá almenningi og endaði sveitin í 10. sæti. Stigin til Hatara frá dómnefndum Evrópulandanna voru hins vegar frekar fá.
