Á skömmum ferli hefur tónlistarmaðurinn Auður fengið verðlaun sem Bjartasta vonin, hitað upp fyrir Post Malone, farið á tónleikaferðalag um Evrópu, komið fram á The  Great Escape, Way Out West og víðar ásamt því að vinna að lagasmiðum J-Pop artista í Tókýó.

Í lok síðasta árs gaf hann óvænt út plötuna AFSAKANIR sem hefur þegar unnið til Kraumsverðlauna sem ein af plötum ársins. Nú frumsýnir hann fyrir almenningi samnefnda stuttmynd sem gerð var í samstarfi við Sjónvarp Símans. Þar kemur Auður til dyranna eins og hann er klæddur í Reykjavík samtímans. Ástarsorg, andlegir erfiðleikar og átök eru vafin inn í einlæga og metnaðargjarna myndræna túlkun á plötunni. Myndin einkennist af löngum og fallegum skotum sem gera það að verkum að áhorfandinn upplifir sig algjörlega inn í atburðarás og tilfinningalegt ferðalag myndarinnar. Auk hans koma fram þekkt andlit af yngri kynslóð tónlistarmanna á borð við Birni, GDRN, Flóna og GKR í myndinni.

Myndin er nú aðgengileg á VEVO rás listamannsins.

Þrátt fyrir mikla spilun, umtal og umfjöllun hefur Auður dregið sig í hlé og ekki veitt nein viðtöl í kjölfar plötunnar heldur látið verkin standa sjálf.

Myndin er í leikstjórn Erlends Sveinssonar, unnin í samstarfi við NRDR – Norður, Símann, Sony Music Denmark, Red Bull, 66Norður, Víking Brugghús og Iceland Sync Management.

Fylgjast má með Auði á heimasíðu hans, Facebook, Instagram, Twitter og Spotify.