Katrín Oddsdóttir lögfræðingur segir frá nokkrum eftirminnilegum augnablikum frá gærdeginum í færslu á Facebook. Hún var gestur hjá Agli Helgasyni í Silfrinu á RÚV.
Eitt af því sem stóð upp í gær hjá Katrínu var þegar Jón Gunnarsson, þingmaður, sagði frá því hvernig hann sérpantar rakspírann sinn frá útlöndum.
„Þegar Jón upplýsti Helga um það að þessi dásamlegi rakspíri (sem ég gat aldrei numið vegna óhóflegrar neftóbaksnotkunar) væri ófáanlegur á Íslandi og hefði verið um hríð svo hann þyrfti að panta hann í póstkröfu. Ég blandaði mér inn í þetta krúttlega karlatrúnó úr sminkstólnum og spurði hvort þetta væri „Old spice“ sem er eini rakspírinn sem ég kann (ber fyrir mig kynhneigð). Hann sagði að þetta héti hins vegar Nr. 1 frá Boss. Mér fannst í senn harmrænt en fallegt að Jón skyldi ekki gefast upp á sinni uppáhaldslykt, Boss Nr. 1, þótt markaðurinn hefði hafnað henni,“ skrifar Katrín.
Hún segir einnig frá því hvernig Egill Helgason fær sér kók í kaffibollann sinn.
„Þegar það voru 2 sekúndur í útsendingu og Egill var ekki mættur í settið en kom síðan þjótandi inn, eins og gaupa og náði að kasta sér í stólinn og það sem meira er þá náði aðstoðarmaður, sem hreyfði sig svo hratt að það sáust bara húðlitaðar rendur þar sem hendurnar á honum klufu loftið, að fylla kaffibollann hans af Coke-dós sem Egill svo staupaði í einum sopa og hvíslaði svo hratt en fullkomlega hljóðlaust á síðustu millisekúndunni áður en inngangslagið kláraðist: „Meira kók!““
Þetta voru ekki einu skemmtilegu augnablikin á uppteknum sunnudegi Katrínar, heldur voru þau tíu. Lestu alla færsluna hennar í heild sinni hér að neðan.