Í nýrri auglýsingu setur Ikea fókusinn á mikilvægi svefns, en í henni má sjá „djammara“ klædda náttfötum halda á næturklúbb, sem breytt hefur verið í risastórt sameiginlegt svefnherbergi.

Auglýsingin, sem er ætlað að hvetja „fólk til endurmeta næturtímann og meta svefninn til jafns við vökustundir,“ breytir á sniðugan máta týpísku næturlífsmynstri í svefnrútínu með fullt af smáatriðum: „djammarar“ mæta í náttfötum og skyndibitafæðið er Cheerios, barþjónar framreiða te, salernin eru full af fólki sem er að tannbursta sig og setja á sig andlitsgrímur, og eyrnatappar eru einnig í boði, en líta út fyrir að vera eitthvað ólöglegt.

Dansgólfið er fullt af þægilegum rúmum og um leið og allir leggjast til hvílu þá mæta kindur á svæðið og springa út í konfetti.

Auglýsingin var sýnd í Bretlandi og Írlandi og er hluti af Wonderful Everyday herferðinni, sem hefur áður innihaldið draugapartý, letiljón og fullt af fljúgandi skyrtum.

Samhliða auglýsingaherferðinni var Dr. Guy Meadows, einn stofnenda The Sleep School, fenginn til að leiðbeina starfsfólki Ikea um vísindin á bak við svefn og telur fyrirtækið að það hjálpi starfsfólkinu til að verða betra í sínum störfum. Rannsókn á meðal þeirra leiddi í ljós að 63% eru óánægðir með sinn svefntíma.

Á vefsíðu Ikea má finna uppýsingar um hvernig má megi betri nætursvefni, leiðbeiningar um hverjar þarfir hvers og eins eru hvað svefninn varðar og réttu tækin sem hjálpað geta til.