Fegurðardrottningin Tanja Ýr er nýlega komin heim úr löngu ferðalagi um Marokkó ásamt kærasta sínum, Agli Fannari, og hefur verið dugleg að leyfa fylgjendum sínum að fylgjast með ferðinni.
https://www.instagram.com/p/Bu14UCSAR-b/
Það má með sanni segja að Tanja hafi birt gjörsamlega stórbrotnar myndir úr ferðinni og líklegast margir fylgjendur hennar sem hafa sett Marokkó á lista yfir drauma áfangastaði framtíðarinnar.
Það er hins vegar ekki tekið út með sældinni að vera áhrifavaldur á samfélagsmiðlum, en í sögu sinni deilir Tanja tvennum athugasemdum sem hún hefur fengið á myndir sínar frá notanda sem kallar sig moorishafricangirl. Notandinn er ekki par sáttur við veru Tönju í Marokkó.
„Þú lítur meira út eins og tík en drottning,“ skrifar notandinn við eina mynd og við aðra skrifar hann:
„Tík, hypjaðu þig úr landinu mínu og brenndu í helvíti.“
Tanja virðist taka þessum skilaboðum létt og skrifar einfaldlega „smekklegt“ við þær og þrjá broskalla sem gráta þeir hlæja svo mikið.
Þess má geta að Tanja og Egill bjuggu til myndbandsblogg um ferðina til Marokkó, sem horfa má á hér fyrir neðan: