Söngkonan Lady Gaga klæddi sig í sitt allra fínasta við frumsýningu A Star Is Born og mætti á rauða dregilinn í Los Angeles í silfruðum hátískukjól frá Givenchy hönnuðinum Clare Waight Keller.
Við kjólinn og slána yfir bar hún 100 karata demants hálsmen og 20 karata demants eyrnalokka frá Bvlgari.
Hlutverkið í A Star is Born er fyrsta aðalhlutverk Lady Gaga og fjallar myndin um kvikmyndastjörnu, leikinn af Bradley Cooper, sem hjálpar ungri söngkonu og leikkonu að slá í gegn, þó svo að ferill hans sjálfs sé á hraðri niðurleið vegna aldurs og áfengisneyslu.
Myndin er frumsýnd hér á landi 5. október.
