Spjallþáttastjórnandinn og gleðigjafinn James Corden reyndi fyrir sér í töfrabrögðum í innslagi í nýjasta þætti sínum. Með honum var leikarinn Eddie Redmayne, sem leikur aðalhlutverk Fantastic Beasts: The Crimes of Grindelwald og reyndi Corden sitt allra besta til að heilla hann, en Redmayne leikur opinberan starfsmann Galdramálaráðuneytisins í innslaginu.
Corden gerir sitt allra besta með töfrabrögðum, dúndrandi tónlist og flottum fötum, en allt kom fyrir ekki; hann er muggi.
„Ég veit ekkert hvernig þú komst hingað en þú átt greinilega ekki heima hérna,“ segir starfsmaður Galdramálaráðuneytisins nokkuð pirruð, rétt áður en hann breytir Corden í…..ja kíktu á myndbandið.
