Búið er að af­lýsa tónleikum Ju­das Priest sem áttu að fara fram 24. janú­ar í Laug­ar­dals­höll.

„Okk­ur þykir það virki­lega sárt að til­kynna að tón­leik­um Ju­das Priest í Laug­ar­dals­höll 24 janú­ar hef­ur verið af­lýst. Vegna óviðráðan­legra aðstæðna er ekki hægt að halda tón­leik­ana og hef­ur hljóm­sveit­in verið lát­in vita af þessu. Skilj­an­lega eru strák­arn­ir í Ju­das Priest leiðir yfir því að geta ekki haldið tón­leika á Íslandi og von­ast til þess að í framtíðinni geti þeir komið og spilað fyr­ir aðdá­end­ur sína á Íslandi. Ástæður fyr­ir að tón­leik­un­um er af­lýst er eitt­hvað sem hljóm­sveit­armeðlim­ir réðu eng­an veg­inn yfir. Okk­ur þykir þetta mjög leitt og þökk­um öll­um aðdá­end­um fyr­ir skiln­ing og þol­in­mæðina,“ seg­ir í til­kynn­ingu frá skipu­leggj­end­um tón­leik­anna.

Fram kem­ur, að all­ir miðakaup­end­ur fái fulla end­ur­greiðslu. Í til­kynn­ing­unni seg­ir „ef þú greidd­ir með kred­it­korti er sjálf­krafa greitt til baka inn á kortið sem greitt var með en ef þú greidd­ir með de­bet­korti eða greiðslu­öpp­un­um Aur eða Kass þarftu að senda reikn­ings­upp­lýs­ing­ar á net­fangið info@tix.is svo við get­um end­ur­greitt.“