Tiltektardagar koma oft upp á laugardegi þegar maður lítur í kringum sig og skilur ekkert í draslinu og skítnum sem hefur myndast á heimilinu.

,,Skrítið! Ég kannaðist ekki við að hafa fengið þrjátíu tjúa hunda í heimsókn sem hlupu um heimilið og lögðu það í rúst. Hvar á ég eiginlega að byrja?! Ó guð ég nenni þessu ekki.“

Hvað er til ráða? Jú, maður brettir upp ermar, dregur andann djúpt og… blandar sér Espresso Black Russian!

Restin reddast.

Áður en tiltektin hefst þarftu eftirfarandi:

1 skot af rússnesku Smirnoff vodka (sagt með viðeigandi hreim)
2 skot af Kahlúa
2 skot af rjóma
1 espresso skot
Handfylli af klökum
Súkkulaðispæni til skrauts

Aðferð:

Hellið fyrst vodka og Kahlúa í glas. Bætið við espresso skotinu og loks rjómanum. Þar á eftir koma nokkrir klakar, súkkulaðispænir og – þú ert tilbúin í þrifin!

Til þess að gera tiltektina enn skemmtilegri er sniðugt að skella góðri tónlist á fóninn og taka jafnvel nokkur dansspor með tuskuna á lofti. Frábær leið til að létta lundina á meðan þrifunum stendur.

Góða skemmtun!