Kristján Aðalsteinsson, markaðsráðgjafi hjá Árvakri, hefur lengi átt sér draum, draum sem varð loksins að veruleika núna um páskana.

„Ég tók þátt í Facebookleik hjá Freyju og langaði mig að gefa Barnaspítala Hringsins páskaegg,“ segir Krissi. Hann vann hins vegar ekki í leiknum, en Pétur Thor Gunnarsson hjá Freyju hafði hins vegar samband við hann og bauðst til að gefa Krissa helling af sælgæti og eitt risa páskaegg, sem Krissi þáði.

Kristján og Pétur Thor.

Fór hann síðan og færði starfsfólkinu á Barnaspítalanum góðgætið: nokkur hundruð Drauma, Rís, karamellur og hlaupeðlur, ásamt fallegu risa páskaeggi.

„Starfsfólk Barnaspítalans tók afar vel á móti mér og ætlaði að deila góðgætinu á milli deilda um helgina. Það er ólýsanlegt að geta glatt þær hetjur sem þarna reyna ná heilsu og foreldra þeirra sem berjast þeim við hlið,“ skrifaði Krissi í Facebookfærslu um leið og hann óskaði vinum sínum gleðilegra páska og hvatti þá til að vera góða við hvert annað.

Kristján ásamt hluta starfsfólks Barnaspítalans.

Góðgætið.