fbpx
Sunnudagur 21.júlí 2024
Eyjan

Trump með snjallan skattaleik fyrir bandarísku millistéttina – Tryggir þetta honum sigur í kosningunum?

Eyjan
Föstudaginn 21. júní 2024 04:04

Donald Trump Mynd/Getty

Ekki missa af Helstu tíðindum dagsins í pósthólfið þitt

Lesa nánar

Donald Trump setti nýlega fram snjalla hugmynd fyrir bandarísku millistéttina og fer hún eins og eldur í sinu um samfélagsmiðla. Sumir velta fyrir sér hvort þessi tillaga geti verið það sem til þarf, til að tryggja Trump sigur í forsetakosningunum.

Ef þú hefur farið til Bandaríkjanna þá kannast þú eflaust við þá venju að það er ætlast til þjórfé sé gefið fyrir veitta þjónustu. Og ekki er ólíklegt að þú hafi pirrað þig á þessari venju. En þetta er svo inngróið í veitingastaða- og barmenninguna að það er engin leið að leggja þetta af.

En nýlega setti Trump fram tillögu, sem hefur hlotið góðan hljómgrunn, um þessa áratugagömlu venju.

Tillagan snýst um þessi tæpu 20% sem fólk bætir oftast við reikninginn þegar gert er upp á veitingastöðum, börum, hótelum, hárgreiðslustofum og víðar.

Á kosningafundi í Detroit varpaði Trump fram þeirri hugmynd að leggja alla skatta á þjórfé af. „Ég vil afnema skatta á þjórfé starfsfólks í veitingahúsageiranum, farandverkamanna og allra þeirra sem eru háðir þjórfé. Ekki fleiri skatta á þjórfé,“ sagði hann.

Í kjölfarið fór hugmyndin á mikið flug á samfélagsmiðlum undir myllumerkinu „#no-tax-in-tips“ eða „enga skatta á þjórfé“.

Bandaríkjamenn hafa fundið vel fyrir hárri verðbólgu á síðustu misserum, til dæmis hefur matvara hækkað í verði. Verðbólgan hefur þó farið lækkandi síðustu mánuði en húsaleiga hefur ekki fylgt þeirri þróun og er að sliga marga.

Ted Cruz, öldungadeildarþingmaður, segir að þegar staðan sé svona sé snjall leikur að beina athyglinni að þjórfé þeirra milljóna Bandaríkjamanna sem lifa á því. Í samtali við Fox News sagðist hann telja að Trump hafi rétt fyrir sér að það sé einfaldara og réttlátara að undanskilja þjórfé frá tekjuskatti alríkisins. „Ég held raunar að bara þetta geti tryggt Trump sigurinn í Nevada,“ sagði hann.

Það sama hafa margir stjórnmálaskýrendur sagt síðustu daga. Einn þeirra, Julie Banderas sem er þáttastjórnandi hjá Fox News, sagði nýlega að tillagan sé pólitískt snilldarverk: „Fólk sem starfar á hárgreiðslustofum, það lifir á þjórfé. Það er þaðan sem það fær peninga og af hverju ætti maður að vilja eyðileggja þetta fyrir bandarísku millistéttinni? Það er jú millistéttin sem kýs þig.“ Þar vísaði hún til þess að árum saman hafa Demókratar og Repúblikanar barist um hylli millistéttarinnar þegar kosið er.

Trump fylgdi tillögunni síðan eftir með því að biðja þekkt fólk um að birta myndir á samfélagsmiðlum af kvittunum með því þjórfé sem það gaf.

Margir brugðust hratt við þessu. Til dæmis birti tónlistarmaðurinn Kid Rock mynd af kvittun frá einum veitingastaða Jeff Ruby‘s þar sem sést að hann gaf 400 dollara í þjórfé. Á kvittunina skrifaði hann: „Atkvæði greitt Trump, er atkvæði fyrir skattlaust þjórfé.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 6 dögum

Flugfélög: Icelandair stundvísast allra stærri flugfélaga í Evrópu

Flugfélög: Icelandair stundvísast allra stærri flugfélaga í Evrópu
Eyjan
Fyrir 6 dögum

Forsætisráðherra Grænlands heimsótti íslensku gullvinnsluna

Forsætisráðherra Grænlands heimsótti íslensku gullvinnsluna
Eyjan
Fyrir 1 viku

Lífskjör: Kaupmáttur á Íslandi mun minni en hjá nágrannaþjóðum – þriðjungi meiri í Færeyjum

Lífskjör: Kaupmáttur á Íslandi mun minni en hjá nágrannaþjóðum – þriðjungi meiri í Færeyjum
Eyjan
Fyrir 1 viku

Guðlaugur Þór hefur miklar efasemdir um fyrirhugaða þéttingu byggðar í Grafarvogi

Guðlaugur Þór hefur miklar efasemdir um fyrirhugaða þéttingu byggðar í Grafarvogi
Eyjan
Fyrir 1 viku

Ólafur Stephensen: Samkeppnisyfirvöldum kippt út – eins og dómarinn sé tekinn út af og annað liðið ráði reglunum

Ólafur Stephensen: Samkeppnisyfirvöldum kippt út – eins og dómarinn sé tekinn út af og annað liðið ráði reglunum
Eyjan
Fyrir 1 viku

Brynjar liggur undir feldi og íhugar vistaskipti – „Orðið flak lýsir best líðan minni núna“

Brynjar liggur undir feldi og íhugar vistaskipti – „Orðið flak lýsir best líðan minni núna“