Stjórn Bankasýslu ríkisins, sem skipuð er þeim Tryggvi Páls­syni, Þóru Hall­gríms­dótt­ur og Þóri Har­alds­syni, hefur ákveðið að skipta út Bankaráði Landsbankans í heild sinni og tilnefna nýja einstaklinga í ráðið á aðalfundi Landsbankans sem fer fram í næstu viku. Bankasýslan heldur á 98% hlut í bankanum og því ljóst að verði þess vilji og núverandi meðlimir bankaráðsins munu víkja.

Til stóð að fimm bankaráðsmeðlimir myndu sitja áfram en í kjölfar umdeilds skuldbindandi kauptilboðs Landsbankans í tryggingafélagið TM hefur verið hætt við það og öllu bankaráðinu skipt út.

Ákvörðunin kemur í beinu framhaldi af skýrslu Bankasýslunnar sem var birt fyrr í dag en þar var ákvörðunin um kaupin sögð vera andstæð eigendastefnu ríkisins og þá hafi  „hafi verið farið viðhöfð upp­lýs­inga­gjöf í sam­ræmi við samn­ing um al­menn og sér­tæk mark­mið í rekstri bank­ans.“

Banka­sýsl­an hef­ur til­nefnt eft­ir­far­andi ein­stak­linga í bankaráð Lands­bank­ans:

Aðal­menn:

Jón Þ. Sig­ur­geirs­son, formaður
Eva Hall­dórs­dótt­ir
Kristján Þ. Davíðsson
Re­bekka Jó­els­dótt­ir
Stein­unn Þor­steins­dótt­ir
Þór Hauks­son
Örn Guðmunds­son

Vara­menn:

Sig­urður Jón Björns­son, (eini sem situr áfram)
Stef­an­ía Hall­dórs­dótt­ir

Nú­ver­andi bankaráð er skipað eft­ir­far­andi ein­stak­ling­um.

Aðal­menn:

Helga Björk Ei­ríks­dótt­ir, formaður
Berg­lind Svavars­dótt­ir, vara­formaður
Elín H. Jóns­dótt­ir
Guðbrand­ur Sig­urðsson
Guðrún Ó. Blön­dal
Helgi Friðjón Arn­ar­son
Þor­vald­ur Jac­ob­sen

Vara­menn:

Sig­ríður Ol­geirs­dótt­ir
Sig­urður Jón Björns­son

Til stóð að Elín, Guðbrandur, Guðrún, Helgi og Þorvaldur myndu sitja áfram í bankaráðinu en eins og áður segir hefur það verið slegið út af borðinu.

Vilja losna við TM eins fljótt og kostur er

Í bréfi fjármála- og efnahagsráðherra frá 5. apríl síðastliðnum, sem birt var á vef Bankasýslunnar fyrr í dag,  segir að þáverandi ráðherra, Þórdís Kolbrún R. Reykfjörð Gylfadóttir, væri sammála stjórn Bankasýslunnar um að tilefni væri til að endurskipa allt bankaráð Landsbankans.Þá  telji ráðherra framkomnar upplýsingar gefa Bankasýslunni, fyrir hönd eiganda 98 prósent hlutafjár í bankanum,  tilefni til skoðunar á því með hvaða hætti sé unnt að losa um fyrirséð eignarhald bankans á tryggingafélaginu eins fljótt og kostur er.