fbpx
Þriðjudagur 29.nóvember 2022
Eyjan

Dagur borgarstjóri ferðast til Eystrasaltsríkjanna að kynna sér aðstæður flóttafólks

Eyjan
Fimmtudaginn 17. mars 2022 17:10

Dagur B Eggertsson

Ekki missa af Helstu tíðindum dagsins í pósthólfið þitt

Lesa nánar

Borgarstjóri fer í næstu viku til Eystrasaltsríkjanna þar sem hann mun funda með borgarstjórum vinaborganna Riga, Vilníus og Tallinn og kynna sér móttöku og stöðu flóttafólks.

Dagur B. Eggertsson borgarstjóri hefur átt í samtali við borgarstjóra vinaborganna Tallinn, Riga og Vilníus eftir að Rússar réðust inn í Úkraínu. Þessi ferð er sprottin úr þeim samtölum og er tilgangurinn ekki síst að ítreka óvítræða samstöðu Reykvíkinga við íbúa höfuðborganna í Eystrasaltsríkjunum Eistlandi, Lettlandi og Litháen. Þá mun borgarstjóri einnig kynna sér móttöku og stöðu flóttafólks og önnur helstu verkefni borganna.

Ísland varð fyrst allra ríkja í heiminum til að viðurkenna sjálfstæði Eystrasaltslandanna og í kjölfar þess hefur samstarf landanna vaxið og dafnað, einkum í samstarfi með hinum Norðurlöndunum. Reykjavík og höfuðborgir Eystrasaltsríkjanna eru jafnframt vinaborgir og hefur samstarf borganna í gegnum árin verið á ýmsum vettvangi, einkum menningarlegum.

Með borgarstjóra í för verður Pétur Krogh Ólafsson aðstoðarmaður borgarstjóra. Að lokinni heimsókn til Eystrasaltsríkjanna heldur hann til Helsinki þar sem hann fundar með borgarstjóra og embættismönnum Helsinki ásamt borgarráði Reykjavíkur.

Borgarstjóri segir innrás Rússa í Úkraínu hafa slegið íbúa álfunnar óhug og líklega hvergi meir en í nærliggjandi rikjum við Rússland og ríkjum fyrrum Sovétrikjanna. Mikilvægt er því að sýna samstöðu með vinaborgum okkar í rikjum Eystrasaltsins. „Það vildi þannig til að borgarstjóri Vilnius vildi fá mig með sér til Kænugarðs áður en Rússar réðust inn í landið, en ég fékk Covid og komst því miður ekki. Þess vegna sammæltumst við um það að við myndum funda í tengslum við ferð mína til Helsinki,” segir Dagur.

Jafnframt hefur borgarstjóri sent einróma ályktun borgarstjórnar frá 1. mars s.l. þar sem innrás Rússlands í Úkraínu er fordæmd með formlegum hætti til borgarstjóra Kænugarðs og Lviv í Úkraínu, og vinaborga Reykjavíkurborgar Wroclaw í Póllandi, Riga í Lettlandi, Tallinn í Eistlandi og Vilníus í Litháen auk þess að senda hana á sendiráð Rússlands á Íslandi og til borgarstjóra Moskvu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 5 dögum

Takk dagur Fossa tileinkaður Píeta samtökunum

Takk dagur Fossa tileinkaður Píeta samtökunum
Eyjan
Fyrir 5 dögum

Ríkisendurskoðun hjólar í Bankasýsluna – „Skýrslan stendur því óhögguð“

Ríkisendurskoðun hjólar í Bankasýsluna – „Skýrslan stendur því óhögguð“
Eyjan
Fyrir 6 dögum

Skiptum lokið eftir sex ár – 984 milljón króna gjaldþrot eins elsta verktakafyrirtækis landsins

Skiptum lokið eftir sex ár – 984 milljón króna gjaldþrot eins elsta verktakafyrirtækis landsins
Eyjan
Fyrir 6 dögum

Aðgerðarleysi í orkumálum reynist okkur dýrkeypt

Aðgerðarleysi í orkumálum reynist okkur dýrkeypt
Eyjan
Fyrir 1 viku

Össur segir að Bjarni Ben þori ekki í Kristrúnu – „Veit að hann er næstum sloppinn“

Össur segir að Bjarni Ben þori ekki í Kristrúnu – „Veit að hann er næstum sloppinn“
Eyjan
Fyrir 1 viku

Gagnrýna ítrekuð ferðalög Dags borgarstjóra í ljósi fjárhagsstöðu – Draga að upplýsa um kostnað

Gagnrýna ítrekuð ferðalög Dags borgarstjóra í ljósi fjárhagsstöðu – Draga að upplýsa um kostnað