fbpx
Þriðjudagur 26.janúar 2021
Eyjan

Framkvæmdastjóri Strætó vill að vagnarnir fái að keyra á móti umferð, á öfugum vegarhelmingi, á háannatíma

Ritstjórn Eyjunnar
Föstudaginn 30. ágúst 2019 10:03

Samsett mynd- Ljósmynd: DV/Hanna

Ekki missa af Helstu tíðindum dagsins í pósthólfið þitt

Lesa nánar

Umferðarþunginn á morgnana og síðdegis í höfuðborginni er hvimleitt fyrirbæri og sífellt þrætuepli. Margir kannast við samfellda bílaröð frá Mosfellsbæ niður á Miklubraut, með tilheyrandi töfum fyrir Strætó, þrátt fyrir forgangsakreinar hans.

Framkvæmdastjóri Strætó, Jóhannes Rúnarson, sagði í Morgunútvarpi Rásar 2 í morgun að hann vildi skoða þann möguleika að láta strætisvagna keyra á öfugum vegahelmingi á háannatíma:

„Við höfum auðvitað og margir aðrir, bent á lausnir að stundum er önnur akreinin í hina áttina laus. Það er auðvitað hlutur sem mér finnst að við ættum að skoða, hvort að hægt væri að nýta. Það er kannski flókið í útfærslu, að koma allt í einu með umferð á móti þeim sem eru að koma í hina áttina en við höfum séð þetta í útlöndum en það getur verið að þar séu umferðarmannvirki hönnuð aðeins öðruvísi. Þetta er alla vega hlutur sem mér finnst að við ættum að skoða.“

Erfitt í framkvæmd

Jóhannes minnist á að þetta geti verið flókið í framkvæmd, án þess að nefna mögulegar lausnir, til dæmis hvort hver strætisvagn þurfi lögreglufylgd með forgangsljósum, hvort látið verði nægja að mála sérstaka strætóakrein, eða hvort færanlegum, eða varanlegum vegriðum verði komið fyrir á akreinum.

Skemmst er að minnast þess þegar meirihlutinn í borgarstjórn Reykjavíkur hleypti umferð upp Laugaveginn í sumar. Bílaumferð hafði ekki farið upp Laugaveginn í 87 ár, eða frá árinu 1932, en flækjustigið fyrir borgarbúa var aukið nokkuð með því að hleypa aðeins umferðinni upp Laugaveginn frá Klapparstíg og að Frakkastíg.

Afleiðingarnar voru þær að á hverjum degi aka því fjölmargir þvert gegn leyfilegri akstursstefnu á svæðinu, með tilheyrandi óþægindum, þrátt fyrir nokkuð ítarlegar merkingar.

Sem betur fer er umferðarhraðinn á Laugaveginum ekki mikill og því ekki vitað um alvarleg slys af þessum völdum. Hinsvegar er ljóst að umfangið og áhættan eykst töluvert ef strætisvagnar eiga að keyra gegn akstursstefnu á Miklubraut til dæmis og því eins gott að ökumenn hafi athyglisgáfuna í lagi ef af verður.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

EyjanFastir pennar
Fyrir 2 dögum
Árás á Alþingi
Eyjan
Fyrir 6 dögum

Þung orð falla vegna brotthvarfs Ágústs Ólafs af lista – „Andstyggilegustu erjurnar í pólitík og mest mannskemmandi“

Þung orð falla vegna brotthvarfs Ágústs Ólafs af lista – „Andstyggilegustu erjurnar í pólitík og mest mannskemmandi“
Eyjan
Fyrir 6 dögum

ASÍ mótmælir bankasölunni – „Ákall um sölu banka kemur ekki frá almenningi“

ASÍ mótmælir bankasölunni – „Ákall um sölu banka kemur ekki frá almenningi“
Eyjan
Fyrir 1 viku

Sigmundur segir það sem hann óttaðist vera staðfest – „Er Ísland búið að gera slíkar skuldbindingar?“

Sigmundur segir það sem hann óttaðist vera staðfest – „Er Ísland búið að gera slíkar skuldbindingar?“
Eyjan
Fyrir 1 viku

Óttast að Samfylkingin fremji ódæðisverk – „Dæmd vanhæf og brottrekin með þeim rökum“

Óttast að Samfylkingin fremji ódæðisverk – „Dæmd vanhæf og brottrekin með þeim rökum“