fbpx
Föstudagur 07.ágúst 2020
Eyjan

Katrín um framúrkeyrsluverkefni Reykjavíkurborgar – „Virðist bara dýrt skálkaskjól – rándýrt sýndarlýðræði“

Ritstjórn Eyjunnar
Þriðjudaginn 3. desember 2019 10:45

Ekki missa af Helstu tíðindum dagsins í pósthólfið þitt

Lesa nánar

„Borgin eyðir tugum milljóna í auglýsingar og umsýslukostnað til að láta íbúa kjósa um sjálfsögð viðhaldsverkefni sem borgin á að sinna. Nú er komið í ljós að verkefnið, sem að mestu snýst um að setja upp grenndargáma og ruslafötur, fór 60 milljónum fram úr áætlun,“

segir Katrín Atladóttir, borgarfulltrúi Sjálfstæðisflokksins, sem gagnrýnir verkefnið Hverfið mitt í Morgunblaðinu í dag.

Verkefnið Hverfið mitt, hin rafræna íbúakosning Reykjavíkurborgar kostaði rúman hálfan milljarð árið 2018. Fór kostnaður við framkvæmdina 58 milljónir fram úr áætlun.

Katrín segir þetta kunnuglegt stef hjá meirihlutanum:

„Ég fékk nýlega svar við fyrirspurn minni um sundurliðaðan heildarkostnað við Hverfið mitt á árinu 2018. Það var eins og marga grunaði. Tugir milljóna fara í auglýsingar og annan umsýslukostnað, til að leyfa íbúum að kjósa að mestu um sjálfsögð viðhaldsverkefni. Svo hljómaði kunnuglegt stef, verkefnið fór 60 milljónum fram úr áætlun. Væri ekki nær að þessir peningar, sem koma úr vasa skattgreiðenda, færu í að laga það sem er bilað og í að setja upp ruslafötur þar sem þarf? Spörum okkur að minnsta kosti rándýrt sýndarlýðræði.“

Getur varla talist raunverulegt íbúalýðræði

Katrín segir að hugmyndin sjálf um Hverfið mitt sé góð og gild, en útfærslan þyrfti að vera betri og meirihlutanum sé vart treystandi fyrir slíkum fjármunum. Þá spyr hún um hvort raunverulegt íbúalýðræði sé að ræða:

„Það er líka gott að færa fjárveitingarvald til íbúa því meirihlutinn í Reykjavík hefur hingað til ekki gefið tilefni til að láta treysta sér fyrir peningum skattgreiðenda. En verkefnið virðist bara dýrt skálkaskjól. Er um raunverulegt íbúalýðræði að ræða þegar borgarbúar eru látnir kjósa á milli þess að setja upp gönguljós eða ungbarnarólu? Hvort vill fólk grenndargáma eða körfuboltavöll? Á að laga vatnsskemmdir á skólalóð eða setja nýja rennibraut í Laugardalslaug? Það getur varla talist íbúalýðræði að fá að kjósa um að setja sjálfsagt viðhald borgarinnar eða umferðaröryggi á oddinn.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Eyjan
Fyrir 5 dögum

Gunnar Bragi hraunar yfir Sjálfstæðisflokkinn – Segir stjórnarsamstarfið við VG vera sneypuför

Gunnar Bragi hraunar yfir Sjálfstæðisflokkinn – Segir stjórnarsamstarfið við VG vera sneypuför
Eyjan
Fyrir 6 dögum

Helga vill að stjórnvöld standi sér­stak­lega með lista­fólk­i í COVID faraldrinum -„Okk­ar mik­il­væg­asta fólk“

Helga vill að stjórnvöld standi sér­stak­lega með lista­fólk­i í COVID faraldrinum -„Okk­ar mik­il­væg­asta fólk“
Eyjan
Fyrir 1 viku

Fylgi Pírata og Framsóknarflokks eykst – Píratar næst stærstir

Fylgi Pírata og Framsóknarflokks eykst – Píratar næst stærstir
Eyjan
Fyrir 1 viku

Hildur segir Ólaf Helga jafn óhæfan í Vestmannaeyjum – „Virkilega neikvæð skilaboð sem væri verið að senda“

Hildur segir Ólaf Helga jafn óhæfan í Vestmannaeyjum – „Virkilega neikvæð skilaboð sem væri verið að senda“