Fimmtudagur 14.nóvember 2019
Eyjan

Framkvæmdir við Hverfisgötu tafist um þrjá mánuði – Kostnaður vegna seinkunar liggur ekki fyrir

Ritstjórn Eyjunnar
Mánudaginn 4. nóvember 2019 17:30

Frá framkvæmdum við Hverfisgötu. Mynd-Reykjavíkurborg

Ekki missa af Helstu tíðindum dagsins í pósthólfið þitt

Lesa nánar

Framkvæmdir við Hverfisgötu hófust í kringum 20. maí og voru áætluð verklok sögð vera áður en Menningarnótt færi fram, sem var 31. ágúst. Framkvæmdin hefur farið illa í fyrirtækjaeigendur, sem sumir hafa lagt upp laupana, meðan aðrir segja reksturinn hanga á bláþræði.

Ásmundur Helgason, einn eigandi Gráa kattarins við Hverfisgötu, hefur verið afar gagnrýninn í garð borgaryfirvalda og hefur falið lögmanni sínum að krefjast bóta frá borginni vegna framkvæmdanna sem hafi haft þau áhrif á reksturinn að veltan er 40% minni í ár en á sama tíma í fyrra.

Nú er áætlað að verklok verði í kringum 20. nóvember, en seinkunin er rakin til erfiðleika verktaka við að brjóta klöppina til að koma fyrir lögnum, utanumhald um mannskap og að aðföng, þar á meðal lagnaefni sem skipt hafi verið um, hafi ekki borist á réttum tíma.

Upphafleg kostnaðaráætlun gerði ráð fyrir 180 milljónum króna. Ljóst er að kostnaðurinn mun verða meiri en það, þar sem verkið hefur farið töluvert fram úr tímaáætlun.

Samkvæmt svari frá Reykjavíkurborg liggur lokauppgjör verksins þó ekki fyrir á þessari stundu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Ekið á áttræða konu og Ásta hefur fengið nóg – „Vona að borgarfulltrúar okkar taki þessari ábendingu“

Ekið á áttræða konu og Ásta hefur fengið nóg – „Vona að borgarfulltrúar okkar taki þessari ábendingu“
Eyjan
Fyrir 2 dögum

Brynjar vill aðskilnað – „Virðist einkum vera í því að eyðileggja einstaklinga og fyrirtæki“

Brynjar vill aðskilnað – „Virðist einkum vera í því að eyðileggja einstaklinga og fyrirtæki“