Einar Þór Strand, sjúkraflutningamaður og slökkviliðsstjóri í Stykkishólmi, segir að blæðingar og bylgjur í vegum hafi veruleg áhrif á sjúkraflutninga.

Staðan á Vesturlandi hefur verið erfið að undanförnu og segir Einar í viðtali í Morgunblaðinu í dag að blæðingarnar sem slíkar séu ekki helsta vandamálið heldur þær bylgjur og hvörf sem myndast þegar ekið er með blá ljós á seinna hundraðinu með sjúkling í bílnum.

„Maður man nátt­úru­lega ekki alltaf eft­ir öll­um hvörf­um í veg­in­um og þegar það ger­ist þá erum við með sjúk­ling­inn fljúg­andi,“ segir hann við Morgunblaðið í dag.

Einar er gagnrýninn á stöðuna og segir að frostlyfting sem ekki gengur til baka sé ástæðan fyrir bylgjunum og hvörfunum.  „Og vanda­málið held­ur áfram að vaxa á sama tíma og ekki fæst nema þriðjung­ur af þeim pen­ing­um sem í vega­kerfið er inn­heimt með margs kon­ar gjöld­um til rík­is­ins,“ segir hann.