Stuðningsmenn Chelsea voru nálægt því að ráðast á stuðningsmenn Gent í vikunni eftir leik liðanna í Sambandsdeildinni.

Chelsea vann þennan leik nokkuð sannfærandi 4-2 og byrjar deildarkeppnina í Sambandsdeildinni vel.

Belgísku stuðningsmennirnir voru með mikil læti á vellinum og voru í því að skemma hluti á Stamford Bridge.

Stuðningsmenn Gent rifu til að mynda niður borða á leikvellinum ásamt því að brjóta stóla og kasta í átt að þeim ensku.

Öryggisverðir komu í veg fyrir harkaleg slagsmál á vellinum en Chelsea menn voru afskaplega óánægðir með þessa vanvirðingu stuðningsmanna Gent.

Myndir af þessu má sjá hér.