Crystal Palace er sagt kanna möguleikann á að fá Brennan Johnson frá Tottenham í janúarglugganum.

Telegraph segir frá, en Oliver Glasner, stjóri liðsins, vill styrkja sóknarlínuna í ljósi þess að liðið er í baráttu á mörgum vígstöðvum. Liðið er í Sambandsdeildinni og hefur aðfinnanlega vantað upp á breiddina.

Johnson hefur átt í erfiðleikum með að festa sig í sessi undir stjórn Thomas Frank hjá Tottenham og hefur aðeins byrjað þrjá af síðustu tólf deildarleikjum liðsins.

Hann er þó í miklum metum á Selhurst Park, þar sem hans vinnusemi og hraði eru talin henta vel í kerfi Glasner.

Það er þó ekki víst hvort Tottenham sé til í að sleppa leikmanninum vegna breiddarinnar í sóknarlínunni, en hjá Palace eru menn klárir ef tækifærið til að fá Johnson opnast.