Veðurstofan hefur sent frá nýja tilkynningu um stöðu eldgossins sem hófst í fyrradag í Sundhnúksgígaröðinni á Reykjanessskaga.

Þar segir að eldgosið virðist hafa náð jafnvægi í gærkvöldi. Virknin sé öll norðan við Stóra-Skógfell. Engin skjálftavirkni mælist syðst, nálægt Hagafelli eða Grindavík. og að Gasmengun muni berast til suðurs

Í tilkunningunni segir að eldgosið virðist hafa náð jafnvægi í gærkvöldi og hafi virknin verið nokkuð stöðug í alla nótt. Hún sé öll norðan við Stóra Skógfell.

Virknin sé bundin við tvo staði á nyrðri sprungunni sem opnaðist í fyrrinótt. Myndarlegir kvikustrókar séu enn sjáanlegir en miðað við sjónmat þá virðist strókarnir hafa minnkað frá því í gærkvöldi.

Hraunið flæði að mestu til norðvesturs og virðist ekki fara hratt. Hraunflæði í átt að Grindavíkurvegi virðist hafa stöðvast.

Enn fremur segir að jarðskjálftavirkni sé mjög lítil, einstaka skjálftar hafi mælst norður af Stóra-Skógfelli og við Fagradalsfjall. Engin virkni mælist syðst, nálægt Hagafelli eða Grindavík.

Áfram sé spáð norðanátt og geri spá veðurvaktar um gasmengun ráð fyrir að hún muni berast til suðurs yfir Grindavík.