Hraun hefur nú runnið yfir Grindarvíkurveg rétt norðan við varnargarðana við Bláa lónið. Síðustu daga hefur hraun runnið hægt norðan við og meðfram Sýlingarfelli í átt að Grindavíkurvegi. Í morgun jókst framskriðið og náði hraunið veginum kl 10:40, eins og segir í færslu Veðurstofu Íslands á Facebook.
Unnið var að lokun skarðsins í varnargarðinum frá því snemma í morgun og var þeirri vinnu lokið áður en hraun náði veginum.
