Brot úr þættinum má horfa á hér að neðan en smelltu hér til að horfa á hann í heild sinni.
Hlustaðu á þáttinn á Spotify, Apple Podcasts eða hlaðvarpsþjónustu Google.
Árið 2021 fékk Katrín Myrra ofsakvíðakast, það fyrsta af mörgum. Fyrir það hafði hún aldrei glímt við kvíða eða önnur andleg veikindi. Hún var örugg, leið vel með eigin hugsunum og naut þess að vera ein með sjálfri sér. Hún fór til að mynda ein í fjögurra mánaða ferðalag um Asíu sem byrjaði á jógakennaranámi í Taílandi. Það var því verulegt áfall að fá skyndilega ofsakvíða og vera síðar greind með felmtursröskun.
Hún lýsir ofsakvíðakasti. „Þetta er versta tilfinning sem ég hef upplifað. Þetta lýsir sér svolítið þannig… þetta er óraunveruleikatilfinning […] svona hugarof þegar varnarkerfið þitt fer í það mikið sjokk að það er eins og þú farir út úr líkamanum þínum. Sjónin þín breytist, heyrnin breytist og það er eins og þú finnur ekki lengur fyrir líkamanum þínum. Þér líður smá eins og allt í kringum þig er ekki raunverulegt, eins og fólk sé að spila einhverjar persónur í kringum þig. Það er mjög ógnvekjandi að upplifa þetta,“ segir hún.
„Þér líður eins og… ég veit ekki.. lífið sé smá lygi og þú missir tök á tilganginum og sjálfri þér.“
Katrín Myrra þekkti nokkra einstaklinga sem hafa upplifað kvíða og leitaði til þeirra eftir fyrsta ofsakvíðakastið. „Ég talaði við þær strax um þetta og það er svo gott að heyra að þetta verður allt í lagi og þetta er ekki hættulegt, ég er ekki að missa vitið og ég er ekki að fara að deyja. En auðvitað, þessar hugsanir, maður trúir þeim svo mikið á einhverjum tímapunkti. Þó ég viti að þetta sé ofsakvíði, en þetta er ekki þannig að þú missir tök á raunveruleikanum, þú ert bara hræddur við þessar tilfinningar. En að geta haft einhvern í kringum mann sem skilur mann, það hjálpaði mér mjög mikið. Líka að fara til sálfræðings.“
Fylgstu með Katrínu Myrru á Instagram, TikTok og hlustaðu á tónlistina hennar á Spotify.
Katrín Myrra samdi smáskífuna Skuggar um þetta tímabil í lífi hennar, smelltu hér til að hlusta.
