Fókus óskar þeim velfarnaðar á nýju ári.
Stjörnulögfræðingurinn Sveinn Andri Sveinsson og læknirinn Anna María Hákonardóttir hættu saman í haust eftir stutt samband. 25 ára aldursmunur er á fyrrverandi parinu.
Hún kláraði læknisfræði í Ungverjalandi árið 2017. Sveinn Andri hefur um margra ára skeið verið sá lögfræðingur sem er hvað mest áberandi í opinberri umræðu.
Eurovision-stjarnan Diljá Pétursdóttir og rapparinn og sjónvarpsstjarnan Daníel Óskar Jóhannesson hættu saman í maí.
Diljá fangaði hjörtu landsmanna þegar hún söng lagið Power fyrir hönd Íslands í Eurovision fyrr á árinu. Margir landsmenn kannast við Daníel úr Skólahreysti á RÚV, hann er annar af kynnum keppninnar.
Leiðir skildu hjá leiðsögu- og fjölmiðlakonunni Kolbrúnu Björnsdóttur, betur þekkt sem Kolla Björns, og rithöfundarins Árna Árnasonar.
Kolbrún var viðloðin fjölmiðla í mörg ár og landsmenn muna flestir eftir henni í Bítinu á Bylgjunni. En fyrir nokkrum árum sneri hún sér að leiðsögubransanum og starfar nú sem leiðsögumaður fyrir Fjallafélagið.
Árni starfaði í tvo áratugi við hin ýmsu störf í markaðs- og auglýsingageiranum auk þess sem hann kenndi markaðsfræði við HR, HA og HÍ í tíu ár. Hann gaf út sína fyrstu barnabók árið 2019 og fyrstu skáldsögu sína fyrir fullorðna árið 2022.
Kamilla Einarsdóttir, rithöfundur og bókavörður, litaði hárið sitt bleikt til að díla við sambandsslit hennar og Sigurðar Orra Kristjánssonar, fréttamanns á Stöð 2, Vísi og Bylgjunni.
Kamilla hefur gefið út tvær bækur, Kópavogskróníkan árið 2018 og Tilfinningar eru fyrir aumingja árið 2021. Sú seinni var tilnefnd til Íslensku bókmenntaverðlaunanna og leikrit var gert eftir Kópavogskróníkunni, sem sýnt var í Þjóðleikhúsinu og fór Ilmur Kristjánsdóttir með aðalhlutverkið.
Sigurður er annar þáttastjórnenda útvarpsþáttarins Boltinn lýgur ekki á X977 og sjónvarpsþáttarins Lögmál leiksson á Stöð 2.
Fyrrverandi ofurparið var búsett saman í Lundúnum þar sem þau voru bæði að elta drauminn, hann sem athafnamaður og frumkvöðull og hún sem samfélagsmiðlastjarna.
Þau hættu saman í haust eftir eins og hálfs árs samband. Nökkvi var annar eigandi umboðsskrifstofunnar Swipe Medie, þar sem Embla var á skrá. Hann kvaddi fyrirtækið í mars á þessu ári og stofnaði nýtt fyrirtæki, Lydia.
Embla Wigum er ein stærsta samfélagsmiðlastjarna okkar Íslendinga, hún er með yfir 2,5 milljón fylgjendur á TikTok og rúmlega 200 þúsund fylgjendur á Instagram.
Söngkonan Bríet Ísis Elfar og tónlistarmaðurinn Rubin Pollock hættu saman eftir um þriggja ára samband.
Bríet er ein vinsælasta söngkona landsins og hefur einnig slegið í gegn sem dómari í Idol. Rubin er gítarleikari Kaleo.
Fyrrverandi fegurðardrottningin, áhrifavaldurinn og athafnakonan Manuela Ósk Harðardóttir og kvikmyndaframleiðandinn Eiður Birgisson hættu saman í júní eftir þriggja ára samband, þau byrjuðu aftur saman um stutt skeið en ákváðu síðan að fara í sitthvora áttina.
Manuela er framkvæmdastjóri fegurðarsamkeppninnar Ungfrú Ísland. Hún rekur einnig heilsulindina Even Labs.
Í byrjun maí birti Vísir frétt um að sjónvarpsstjarnan Berglind Pétursdóttir, betur þekkt sem Berglind Festival, og Þórður Gunnarsson, hagfræðingur, væru hætt saman. Þau sögðust ekki kannast við þær fregnir og sögðu að þau væru vissulega enn saman. Þau birtu mynd af sér á veitingastað og gerðu grín að málinu.
Þau hættu saman nokkrum vikum seinna.
Sjónvarpskonan er vel kunnug landsmönnum en hún hefur slegið í gegn með hress og skemmtileg innslög í Vikunni með Gísla Marteini á RÚV. Þórður er hagfræðingur, blaðamaður og varaborgarfulltrúi Sjálfstæðisflokksins.
Ómar R. Valdimarsson lögfræðingur og Margrét Ýr Ingimarsdóttir, kennari og eigandi Hugmyndabankans, skildu í vor. Þau voru saman í sautján ár og eiga tvö börn.
Ómar hefur verið þekktur vegna starfa sinna um árabil, hann kemur reglulega fram í fjölmiðlum að tjá sig um ýmis mál. Eins og varðandi mál Báru uppljóstrara og feitt fólk. Hann rekur Lögmannstofu Valdimarsson/ESJA Legal Ehf.
Leiðir skildu hjá Ingu Lind Karlsdóttur, framleiðanda, og Árna Haukssyni, fjárfesti, á árinu.
Inga Lind er einn af eigendum Skot Productions. Þar áður starfaði hún í fjölmiðlum en þau kynntust þegar hún var blaðamaður hjá DV og Árni var fjármálastjóri fjölmiðilsins.
Bergrún Íris Sævarsdóttir, rithöfundur og myndskreytir, og Andri Ómarsson, verkefnisstjóri, skildu í ár. Þau eiga saman tvö börn.
Í nóvember steig hún fram og sagðist vera alkóhólisti í bata
Katrín Oddsdóttir, lögmaður og baráttukona fyrir réttindum fatlaðs fólks og flóttamanna, og Kristín Eysteinsdóttir, leikhússtjóri og fyrrverandi Borgarleikhússtjóri, skildu eftir sextán ára hjónaband. Þær eiga saman tvö börn.
Báðar eru þær landsþekktar fyrir störf sín og hafa verið áberandi í samfélagsumræðu til margra ára.
Kristín var leikstjóri Borgarleikhússins árin 2014-2020, í ágúst í fyrra var hún ráðin í stöðu prófessors við sviðslistadeild Listaháskóla Íslands. Hún vinnur nú að sinni fyrstu kvikmynd í fullri lengd. Katrín starfar fyrir Öryrkjabandalagið og sinnir kennslu við Háskólann í Reykjavík.
Helgi Hrafn Gunnarsson, fyrrverandi þingmaður Pírata, og Inga Auðbjörg Straumland, formaður Siðmenntar, skildu í byrjun árs. Þau giftust í júlí 2016 en bónorð Ingu til Hrafns vakti mikla athygli á sínum tíma.
Þau eiga saman son fæddan árið 2018.
Sigmar Guðmundsson, þingmaður Viðreisnar fyrrverandi fjölmiðlamaður, og Júlíana Einarsdóttir, mannauðssérfræðingur, skildu eftir tveggja ára hjónaband. Þau byrjuðu saman árið 2012 og trúlofuðu sig árið 2015. Aldursmunur þeirra vakti mikla athygli þegar þau byrjuðu saman en Sigmar er sautján árum eldri en Júlíana.
Óttar Pálsson, lögmaður og einn af eigendum Logos lögmannsstofunnar, og Anna Rut Þráinsdóttir, viðskiptafræðingur, fóru í sitthvora áttina í haust eftir margra ára samband. Þau eiga þrjú börn.
Fregnir af skilnaði þeirra bárust á svipuðum tíma og Óttar var borinn þeim sökum að ráðast á verslunareiganda þann 5. október síðastliðinn.
Sjá einnig: Telja að Óttar eigi von á kæru fyrir meinta líkamsárás
Aníta Briem leikkona og gríski leikstjórinn og leikarinn Dean Paraskevopoulos leikstjóri hættu saman í sumar.
Þau bjuggu í Los Angeles ásamt dóttur sinni þar til þau fluttu til Íslands árið 2020.
Þúsundþjalasmiðurinn og kvikmyndagerðakonan Alda Lóa Leifsdóttir greindi frá því í viðtali við Vísi í september að hún og sósíalistaleiðtoginn Gunnar Smári Egilsson væru skilin eftir langt hjónaband.
Kolbrún Pálína Helgadóttir, fjölmiðlakona og fyrrverandi fegurðardrottning, og Jón Haukur Baldvinsson, verkefnastjóri hjá SSP Iceland, hættu saman eftir fimm ára samband.
Kolbrún var valin Ungfrú Ísland.is árið 2001 og á farsælan fjölmiðlaferil að baki. Hún var um tíma ritstjóri hjá Nýtt Líf og fylgitímariti Fréttablaðsins, Lífið. Hún hefur einnig gert góða hluti sem makaðsráðgjafi, fyrir nokkrum árum var hún verkefnastjóri markaðsdeildar Árvakurs en starfar nú hjá markaðsdeild Icepharma.
