Rússneskir hermenn, sem eru í fremstu víglínu í Úkraínu, eru blautir frá toppi til táar vikum saman og búa ekki við góðan aðbúnað.

Þetta kemur fram í stöðuuppfærslu breska varnarmálaráðuneytisins um gang stríðsins í Úkraínu. segir ráðuneytið að rússnesku hermennirnir eigi fullt í fangi með að reyna að viðhalda lágmarksþægindum á meðan þeir eru í fremstu víglínu.

Margir hermenn, sem hafa snúið heim, hafa skýrt frá því að þeir hafi verið „blautir frá toppi til táar“ vikum saman á meðan þeir voru í fremstu víglínu.

Þeir segja að þeir megi ekki einu sinni „hita sér einn tebolla“ því eldurinn getur komið úkraínskum hersveitum á spor þeirra. Þeir segja einnig að þeir þurfi að dvelja í leðju á meðan þeir eru í fremstu víglínu og fái fábreyttan mat.