Á föstudaginn ákvað framkvæmdastjórn ESB að bann við innflutningi á korni frá Úkraínu til nágrannaríkja landsins, verði ekki framlengt. Þessi ákvörðun féll ekki í góðan jarðveg hjá Pólverjum, Slóvökum og Ungverjum sem hafa nú tilkynnt að ríkin setji sínar eigin takmarkanir á innflutning korns frá Ungverjum. Eru þessar takmarkanir gagnstæðar ákvörðun framkvæmdastjórnarinnar.

Lengi hefur verið deilt um hvaða leið á að flytja korn frá Úkraínu, eða frá því að Rússar réðust inn í landið. Þá kom ESB upp svokölluðum samstöðuleiðum. Úkraína fékk þá mikinn afslátt af tollum en það hefur haft neikvæð áhrif fyrir bændur í nágrannaríkjunum.

Kornstreymið frá Úkraínu flæddi yfir nágrannaríkin og lækkaði verð á korni mikið vegna þess. Það hafði auðvitað neikvæð áhrif á tekjur bænda þar.

Af þeim sökum settu Pólland, Ungverjaland og Slóvakía bann við innflutningi á korni frá Úkraínu fyrr á árinu til að vernda bændur. ESB gagnrýndi þessa ákvörðun og sagði þetta „óásættanlegt“.

En það var mikill þrýstingur og í maí lét ESB undan og setti bann við korninnflutningi til nágrannaríkjanna. Í banninu fólst að Úkraína átti flytja korn í gegnum nágrannaríkin en með því skilyrði að kornið yrði selt í öðrum ríkjum. Það er þetta bann sem ESB ætlar ekki að framlengja og það veldur spennu á milli aðildarríkjanna.