Það er oft mikið í gangi á bak við tjöldin í fótboltanum í Suður-Ameríku og rifjar The Upshot upp ótrúlega atburðarás í Brasilíu þar sem dómari og eigandi félags koma við sögu.

Sergio Santos Rodrigues, eigandi Cruzeiro, var verulega ósáttur við dómarann Felipe Lima eftir úrslitaleik í Brasilíu um árið.

Mikið var um umdeild atvik í leiknum sem Rodrigues fannst falla gegn Cruzeiro.

Rodrigues var svo reiður að hann er sagður hafa farið að halda við eiginkonu Lima.

Þegar hann sá hana á dansgólfi á skemmtistað nokkrum sá hann tækifæri til að láta til skarar skríða.

Þau dönsuðu og kysstust á endanum. Þá eru þau sögð hafa sofið saman.

Allt náðist þetta á myndavélar staðarins og lak myndefnið út. Flestir eru á því að það hafi ekki verið óvart heldur að ósk Rodrigues. Þar með var hefndin fullkomnuð.