Morgunblaðið staðhæfir að brotthvarf Guðmundar Þ. Guðmundssonar úr starfi þjálfara karlalandsliðsins í handbolta hafi ekki verið sameiginleg ákvörðun, eins og HSÍ hefur tilkynnt, heldur hafi Guðmundur verið látinn hætta.

Tilkynnt var um brotthvarf Guðmundar í síðustu viku en hann hefur þjálfað liðið samfleytt frá árinu 2018. Liðið náði sjötta sæti á EM í Ungverjalandi 2022 en aðeins 12. sæti á nýafstöðnu HM-móti í Svíþjóð og Póllandi. Áður hefur Guðmundur náð að vinna Ólympíusilfur og EM-brons sem þjálfari Íslands, eins og alkunna er.

Samkvæmt Morgunblaðinu eru ástæðurnar fyrir brottrekstri Guðmundar tvíþættar, annars vegar slakur árangur liðsins á HM og hins vegar samstarfsörðugleikar. Í fréttinni segir:

„Heim­ild­ir mbl.is herma að bæði meðlim­ir í landsliðsnefnd HSÍ og leik­menn liðsins hafi viljað ljúka sam­starf­inu árið 2021, eft­ir að heims­meist­ara­mót­inu í Egyptalandi lauk. Þess í stað var ákveðið að fram­lengja samn­ing þjálf­ar­ans í tvígang.

And­rúms­loftið í her­búðum ís­lenska liðsins hef­ur ekki verið gott á síðustu stór­mót­um og var sam­band hans við leik­menn og aðra inn­an HSÍ komið í þann far­veg að því var ekki viðbjarg­andi.“

Leit HSÍ að nýjum landsliðsþjálfara hefst í næstu viku.