Arnar Þór Viðarsson leitar að aðstoðarmanni fyrir íslenska landsliðið í knattspyrnu. Eiður Smári Guðjohnsen samdi um starfsflok á dögunum.
Íslenska liðið er í verkefni núna en Davíð Snorri Jónasson þjálfari U21 árs liðsins og Ólafur Ingi Skúlason þjálfari U19 ára liðsins aðstoða Arnar í verkefninu.
Arnar hefur sagt að þrír aðilar séu efstir á blaði hans í starf aðstoðarþjálfara, sá einstaklingur þarf einnig að hafa reynslu úr landsliðsumhverfi. Þannig gæti Ólafur Ingi sterklega komið til greina enda reyndur landsliðsmaður
„Samstarfið hefur gengið vel, ég ætla ekki að fara út í aðstoðarþjálfarastöðuna. Við förum yfir það eftir verkefni, samstarfið hefur gengið vel. Við höfum skipt verkefnum á milli okkar,“ sagði Arnar um málið.
„Davíð Snorri hefur meira verið í leikagreiningu á Úganda og Ólafur Ingi að greina Suður-Kóreu. Síðan höfum við greint okkar leik saman, þetta hefur verið mjög jákvætt og skemmtilegt fyrir mig. Fá þeirra hugmyndir, það er gott að fá ferskar nýjar hugmyndir sem maður getur lært af sjálfur.
