Framtíð Marcus Rashford hjá Barcelona er í óvissu, þar sem há laun Englendingsins gætu komið í veg fyrir að lánssamningur hans verði gerður varanlegur.
Rashford, sem er 28 ára, gekk til liðs við Barcelona í sumar á lánssamningi frá Manchester United í kjölfar þess að hafa misst sæti sitt í liði Ruben Amorim á Old Trafford.
Hann hefur þó slegið í gegn á Spáni, er með sex mörk og sjö stoðsendingar í 14 leikjum.
Forráðamenn Barcelona eru sagðir mjög ánægðir með frammistöðu Rashford og vilja tryggja sér þjónustu leikmannsins alfarið. Hansi Flick, stjóri liðsins, er á sömu blaðsíðu.
Helsta hindrunin er þó launapakki Rashford, sem var samið um er hann skrifaði undir hjá United árið 2023. Hann fer langt fram úr því sem Barcelona ræður við.
Félagið skoðar þó lausninr og ein þeirra væri að bjóða honum lægri grunnlaun en hærri bónusa og aðrar greiðslur.
Samþykki Rashford slíkt fyrirkomulag er möguleiki á að Börsungar klári varanleg skipti hans í janúar.
