Á níunda tímanum í gærkvöldi var ekið á hross á Vesturlandsvegi á Kjalarnesi. Ökumaðurinn er grunaður um að hafa verið undir áhrifum fíkniefna og ítrekaðan akstur sviptur ökuréttindum. Hrossið slasaðist mikið. Fleiri hross voru á akbrautinni og sáust þau að sögn mjög illa. Þau voru rekin í girðingu.

Á tíunda tímanum var ökumaður handtekinn í Laugarneshverfi eftir að lögreglumenn sáu þegar hann bakkaði á kyrrstæða bifreið og ók síðan af vettvangi. Hann er grunaður um að hafa verið undir áhrifum áfengis og fíkniefna.

Í Hlíðahverfi var maður handtekinn á tíunda tímanum en hann var í annarlegu ástandi og er grunaður um eignaspjöll (rúðubrot). Hann var vistaður í fangageymslu.

Einn ökumaður var kærður fyrir of hraðan akstur á Álftanesvegi síðdegis í gær en hraði bifreiðarinnar, sem hann ók, mældist 113 km/klst en leyfður hámarkshraði er 70 km/klst.