Á tíunda tímanum í gærkvöldi var maður handtekinn í Laugardalshverfi en hann er grunaður um að hafa áreitt börn og um brot á vopnalögum. Maðurinn sagði að börnin hafi verið að gera bjölluat við heimili hans. Hann var vistaður í fangageymslu.

Um klukkan hálf tólf í gærkvöldi var kona í annarlegu ástandi handtekin i Miðborginni. Hún er grunuð um eignaspjöll, vörslu fíkniefna og þjófnað. Hún var vistuð í fangageymslu.

Um klukkan hálf tíu hafði lögreglan afskipti af pari sem svaf í bifreið á bifreiðastæði í Hlíðahverfi. Vél bifreiðarinnar var í gangi. Maðurinn er grunaður um vörslu fíkniefna og brot á vopnalögum.

Tveir ökumenn voru handteknir í gærkvöldi grunaðir um að vera undir áhrifum áfengi og/eða fíkniefna. Annar þeirra reyndist vera sviptur ökuréttindum.