Markmaðurinn Ólafur Íshólm Ólafsson hefur framlengt samning sinn við Fram til loka tímabilsins 2023.
Ólafur hefur verið einn af máttarstólpum Fram liðsins sem hefur nú þegar unnið sér sæti í Pepsi Max deildinni á næsta tímabili.
Ólafur hefur spilað 59 leiki í deild og bikar fyrir Fram og nú er ljóst að þeir verða miklu fleiri.
„Það er mikill fengur fyrir Fram að Ólafur skuli halda tryggð við félagið og framlengja samningi sínum,“ segir í yfirlýsingu Fram.
