Sara Björk Gunnarsdóttir, leikmaður franska liðsins Lyon og fyrirliði íslenska kvennalandsliðsins hefur þurft að draga sig úr íslenska landsliðshópnum fyrir komandi verkefni liðsins.
Íslenska landsliðið mun mæti Ítalíu þann 13. apríl næstkomandi og mun síðan einnig spila annan æfingaleik en óvíst er á þessari stundu hver andstæðingurinn verður.
Sara Björk er að glíma við meiðsli og þurfti því að draga sig úr hópnum. Sara var ekki í leikmannahóp Lyon í frönsku deildinni um síðustu helgi.
Þorsteinn Halldórsson, landsliðsþjálfari íslenska kvennalandsliðsins hefur kallað inn Karitas Tómasdóttur, leikmann Breiðabliks, til að koma til móts við hópinn í stað Söru Bjarkar.
Karitas gæti þar með leikið sinn fyrsta landsleik í næsta verkefni íslenska kvennalandsliðsins.
Þorsteinn H. Halldórsson hefur þurft að gera eina breytingu á hóp A kvenna.
Sara Björk Gunnarsdóttir glímir við meiðsli og getur ekki tekið þátt í verkefninu.
Í hennar stað kemur inn Karitas Tómasdóttir.#LeiðinTilEnglands #dottirhttps://t.co/VMOW6Adfuf pic.twitter.com/6irkRH6Nkz
— Knattspyrnusambandið (@footballiceland) March 29, 2021
Hér má sjá landsliðshóp íslenska kvennalandsliðsins í næsta verkefni liðsins:
Sandra Sigurðardóttir | Valur | 34 leikir
Cecilía Rán Rúnarsdóttir | Örebro | 1 leikur
Telma Ívarsdóttir | Breiðablik
Hafrún Rakel Halldórsdóttir | Breiðablik
Elísa Viðarsdóttir | Valur | 38 leikir
Anna Björk Kristjánsdóttir | Le Havre | 43 leikir
Glódís Perla Viggósdóttir | Rosengard | 89 leikir, 6 mörk
Guðrún Arnardóttir | Djurgarden | 8 leikir
Guðný Árnadóttir | Napoli | 8 leikir
Hallbera Guðný Gísladóttir | AIK | 117 leikir, 3 mörk
Áslaug Munda Gunnlaugsdóttir | Breiðablik | 2 leikir
Karitas Tómasdóttir | Breiðablik
Andrea Rán Hauksdóttir | Le Havre | 10 leikir, 2 mörk
Dagný Brynjarsdóttir | West Ham | 90 leikir, 29 mörk
Berglind Rós Ágústsdóttir | Örebro | 1 leikur
Gunnhildur Yrsa Jónsdóttir | Orlando Pride | 76 leikir, 10 mörk
Alexandra Jóhannsdóttir | Eintracht Frankfurt | 10 leikir, 2 mörk
Karólína Lea Vilhjálmsdóttir | Bayern Munich | 4 leikir, 1 mark
Berglind Björg Þorvaldsdóttir | Le Havre | 48 leikir, 6 mörk
Elín Metta Jensen | Valur | 54 leikir, 16 mörk
Agla María Albertsdóttir | Breiðablik | 33 leikir, 2 mörk
Sveindís Jane Jónsdóttir | Kristianstad | 5 leikir, 2 mörk
Hlín Eiríksdóttir | Pitea IF | 18 leikir, 3 mörk
