Um klukkan tvö í nótt hafði lögreglan afskipti af tveimur mönnum, sem voru í annarlegu ástandi, sem voru á göngu í miðborginni með golfsett, kvennsett, á rafmagnskerru. Aðspurðir sögðust mennirnir hafa verið að kaupa settið og hefðu greitt fyrir það með fíkniefnum. Þeir sögðust ætla í golf á morgun en gátu ekki nefnt einn einasta golfvöll með nafni.
Mennirnir eru þekktir hjá lögreglunni og ekki fyrir golfiðkun. Hald var lagt á golfbúnaðinn þar sem talið er að hann sé hugsanlega þýfi en mennirnir hafa tækifæri til að sýna fram á eignarrétt sinn á búnaðinum.
