Joan Laporta, er einn af þeim einstaklingum sem vill verða næsti forseti spænska knattspyrnusfélagsins Barcelona. Laporta var forseti félagsins á árunum 2003-2010 og réði meðal annars Pep Guardiola sem knattspyrnustjóra á sínum tíma.

Það átti eftir að reynast farsæl ákvörðun en Guardiola var tiltölulega óreyndur knattspyrnustjóri á þeim tíma, hann hafði áður þjálfað C- og B-lið Barcelona.

Samkvæmt heimildum RAC1, hefur Laporta hug á að fá Mikel Arteta, knattspyrnustjóra Arsenal sem næsta stjóra Barcelona, verði hann kjörinn forseti á ný.

Arteta var á mála hjá Barcelona sem leikmaður árin 1999-2002 og eftir að leikmannaferli hans lauk var hann ráðinn aðstoðarþjálfari Guardiola hjá Manchester City.

Árið 2019 tók hann við Arsenal, stýrði liðinu til sigurs í enska bikarnum og er núverandi knattspyrnustjóri liðsins.

Laporta er einn af þremur einstaklingum sem berjast um að verða næsti forseti Barcelona en það hefur gustað mikið um spænska félagið síðustu daga.

Lögreglan í Barcelona réðst inn á Camp Nou heimavöll Barcelona í dag til að fara í aðgerðir á skrifstofu félagsins.

Forráðamenn Barcelona hafa verið sakaðir um að ráðið samfélagsmiðlafyrirtæki fyrir til að gera lítið úr núverandi og fyrrum leikmönnum félagsins. Málið er kallað Barca-Gate.

Josep Maria Bartomeu, fyrrum forseti Barcelona er einn af þeim sem hefur verið handtekinn í þessum aðgerðum.

Samkvæmt miðlum á Spáni eru forráðamenn félagsins sakaðir um peningaþvætti og spillingu og skoðar lögreglan málið.