Sjö innanlandssmit af COVID-19 greindust í gær. Þar af voru tveir í sóttkví en fimm utan sóttkvíar. Einn greindist á landamærum.
Rögnvaldur Ólafsson aðstoðaryfirlögregluþjónn fór fyrir tölur dagsins. Sagði hann smitum fara fækkandi dag frá degi en hættan væri þá sú að við slökuðum of mikið á. Rögnvaldur undirstrikaði mikilvægi þess að við héldum vöku okkar og missum okkur ekki í værukærð. Þá hvatti hann fólk með minnstu einkenni til að fara í sýnatöku. Ennþá væru að greinast tilfelli sem hefðu ekki augljósar tengingar.
