Páll Matthíasson, forstjóri Landspítalans, úskýrði á blaðamannafundi í dag hversvegna spítalinn sé kominn á neyðarstig, líkt og greint var frá í dag. Hann segir að ástæðan sé hópsmitið á Landakoti, öldurunarlækningadeild spítalans. Hann lýsir ástandinu sem því sem þau óttuðust mest.

„Ástæðan er sú að eftir tímabil í þriðju bylgju faraldursins þar sem svo vel gekk að við vorum farin að skoða það að auk af fjölda valkvæðra aðgerða. núna á fimmtudaginn uppgötvum við klasasmit á Landakoti, þar sem og mjög veikt aldrað fólk er. þetta klasasmit hefur dreifst mjög víða bæði innan og utan spítalans. Smitstuðullinn er greinilega mjög hár þarna og það eru margir að veikjast í í þessum viðkvæma hópi. Það kemur aftan að okkur. Jafnframt þá stöðvast að mestu útskriftir eldra fólks, sem er mjög alvarlegt.“

Páll sagði að nú væri spítalinn kominn í „fimmta gír“. Þá skipti hann verkefnum spítalans í þrjá flokka.

„Það er því mikilvægt að setja spítalann í ,ef svo má segja, fimmta gír, í efsta viðbragð til að glíma við þetta.“

„Verkefnið er í rauninni, í fyrsta lagi að verja getu spítalans til að sinna þeim veikustu með COVID-19, í öðru lagi að ná utan um núverandi smit þannig að fleiri smitist ekki og í þriðja lagi að standa vörð um grundvallarhlutverk okkar sem sérhæfðs sjúkrahús fyrir öll önnur vandamál.“

Hann sagði að það sem þau hefðu óttast mest væri nú að gerast. Nú þyrfti á samtakamátt alls smafélagsins að halda.

„Því miður hefur það nú gerst sem við óttuðumst mest og sem mörg önnur samfélög hafa þurft að glíma við að sýkingin blossuðu upp í okkar viðkvæmustu hópum. Það þarf samtakamátt okkar allra til að taka á þessu. Neyðarstig þýðir að allur fókus spítalans fer á viðbrögð við þessari vá við þurfum alla heilbrigðisþjónustu og allt samfélagið með okkur.“